Tiñan a festa preparada, dicían. Era para ti.
Esfórzaste. Merécela. A que che están montando vai ser de traca. Hai de todo. E gratis. Sae Coca-Cola das billas e non se sofre. A festa non é para calquera. Ti non es calquera. Es primeiro mundo ti! Está todo previsto. Estancha a preparar a forza de levantarse ás sete, seis días á semana, corenta e oito semanas ao ano, ano tras ano. Todo para ti, para que disfrutes, teñas o que non tiveron, para que chegues a onde non chegaron.
Dende 1975 xuróusenos cada 22 de xuño que se as notas non baixaban ao ano seguinte, se non nos metiamos en drogas e non nos xuntabamos con malas compañías estaba todo feito. Que o que nos agardaba era a ostia, todo a estrear, novo de paquete, con acabados de luxe.
Mais non é.
Pero agora chegamos e, xa que estamos aquí, ímola montar.
AFTERPARTY é unha festa, un artefacto escénico no que a letra, a música, o espazo e o corpo medran á vez nun proceso de creación interdisciplinar. Unha peza que fala da decepción, do empeño na felicidade e das preguntas que se fai unha xeración que ten a sospeita de que chegou tarde a todo.
VIDEO PROMOCIONAL
GALERÍA
EN ESCENA
TEASER
ESPAZO SONORO /
Manuel Abraldes
FICHA TÉCNICA
ELENCO / Inés Salvado, Lolo Castro, Gustavo Freire e Bea Romero
TEXTO E DRAMATURXIA / Lorena Conde
DIRECCIÓN / Lorena Conde
VESTIARIO / A Feroz
ESPAZO SONORO / Manuel Abraldes
ESCENOGRAFÍA / Álvaro Lg. Mallo e Cecilia Castro dos Santos
ASESORÍA DE MOVEMENTO / Fiona B. McCudden
ILUMINACIÓN / A Feroz
FOTOGRAFÍA / Tamara de la Fuente
PRODUCIÓN / A Feroz
DISTRIBUCIÓN / A Feroz