PROGRAMA HILDEGARDA

As mulleres na tradición cristiá.

Xornadas para un diálogo feminista.

Como profesionais das artes escénicas, o traballo de por en pé un espectáculo tan complexo debería ter sido xa esforzo abondo; mais, como mulleres, como cidadás críticas, as preguntas que prenderon en nós durante o proceso de montaxe de Santa Inés déixannos un proído, unha necesidade de afondar nos seus aspectos máis complexos abordados, necesariamente, dende a perspectiva de xénero.

Pensamos que esta necesidade de afondar e compartir as preguntas non é únicamente nosa. Estamos convencidas de que, xa que a circustancia de ser mulleres occidentais, precarizadas e educadas nunha cultura cristiá fondamente patriarcal non é exclusivamente nosa, moitas outras mulleres se estarán cuestionando as mesmas cousas.

E é con elas, e por extensión, coa cidadanía ao completo, que queremos poñer en común as nosas inquedanzas.

O Programa Hildegarda é unha proposta de actividades e espazos para aprender, compartir e reflexionar sobre a posibilidade dunha práctica espiritual contemporánea feminista.

O Programa completa a función de Santa Inés con conversas, charlas e roteiros cos que descubriremos a vida descoñecida das mulleres na relixión cristiá e nas cidades que acollen o programa.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies